Одна з ранніх згадок про Велику Мочулку і Кіблич

Апеляція між Гельжбетою з Грабова Негребецькою і Криштофом Козловським у справі про напад на сіножать позивачки у верхів’ї річки Мочулкѝ за Яструбовим лісом людей відповідача і вчинення насильства і грабежів її підданим.

Апεллѩциѩ мεжи панεю Нεгрεбεцкою и паном Козловским
Року тисєча шεстсот чотырдεсѩт пѩтого мсца маѩ двадцатого днѩ.

На рочкахъ судовых кгродских виницких, ωт днѩ дεвѩтого, мсца и року, на αктε, вышъ писаном, припалых и судитсє зачатых, пεрεд нами Станиславом Рεвуским, подстолим браславским, подстаростим, Фεдором Житнєвичом, судεю, а Пεтром Домбровским, скарбником галицким, писаром, γрѩдниками судовными кгродскими вѣницкими, приточилас справа з рεεстрγ судового за приволанεм возного εнεрала шлѩхεтного Ѩна Вышомирского мεжи γрожоною εε мл панεεю Гεлжбεтою з Кграбова Нεгрεбεцкою, поводовою стороною, з притомностю малжонка εε, α γрожоным εго мл паном Криштофом Козловскимъ, позваным, за позвомъ кгродским виницким, ωд поводовоε стороны по позваного выданым, которыи за поднεсεнεм стороны поводовоε γ судγ был читан и так сε в собε маεт:
Ѩн з Ѡдриволѩ Ѡдриволскии, виницкии староста, γрожономγ εго мл пану Криштофови Козловскому. Зо всих добр вмс, лεжачих и рухомых, звирхностю εго королεвскоε мл, а владзою моεю старостинскою, приказγю вмс, абыс // вмс пεрεдо мною, албо судом моим кгродским виницким, на рочках кгродских виницких, которыε в рокγ тεпεрεшнεм тисεча шεстсотъ чотырдεсѩт пѩтом, мсца маѩ дεвѩтого днѩ прыпадγт и в замку εго кор: мл вѣницкомъ сужоны и ωтправованы быти мают, сам ωбличнε и завитε стал на жалобу и правноε попартε γрожоноε εε мл панεε Гεлжбεты з Кграбова Нεгрεбεцкоε, котораѩ вмс с притомностю малжонка своεго позываεт ω то, иж вмс, нε ωглεдаючис на право посполитоε и вины, в нεм ωписаныε, в року прошлом тисεча шεстсот чотырдεсѩт чεтвεртом, мсца августа шεстнадцатого днѩ моцно кгвалтовнε на кгрунтъ поводов заставныи, на сεножатъ власную дворную в вεрховины рεчки Мочулок за лисом Ѩструбовом Михаила Хитрого и Сεмεна, и инших вεлю козаков побεрεжников до килкудεсѩт з Кублича чоловика наславши, сина власноε роботы акторки возов пѩтсот пограбилис и на свои пожитокъ ωбεрнулεс, прεз що покои сусεдскии зкгвалтилεс. А прεто абыс вмс на тεрминε мεнованом станол, грабεж помεнεныи з совитостю и з винами правными заплатил и во всεм сѩ поводови γсправεдливил и γистил. Писанъ в замку вѣницкомъ мсца марца пεрвого днѩ року тисεча шεстсотъ чотырдεсѩт пѩтого. Пεтръ Домбровскии, писар.
А по [п]рочитаню того позъву γмоцованыи стороны пово//довоε, ωчεвисто γ  судγ нинεшнεго постановившис, просил и домавѩлсє, абы позваному на тот позовъ справоватис наказано было. А плεнипотεнтъ стороны позваноε, маючи росправу правную з стороною поводовою, конътровεрсиє своε словъныε до судγ вносил, лεч жε иж на писмε до канцεлѩрыи для вписанѩ до дεкрεту нинεшного нε подал, ω що сє εго мл пан писар мεсца тутошнεго ω нεподанε ωных и ω пилности своεи манифεстовал, и длѩ того нε сут вписаныε. ϒмоцовыи зас стороны поводовоε повεдил, иж нε повинεн плεнипотεнции показовати, бо то справа εст симплицис ин юриε, нε рεи юдикатε, ани εкспулсиωнис, ани εксъдивизиωнис, ани εкзεмпциωнис, а конституциѩ дεцимис сεксти анънѣ толко в тых чотырох справах рѣквирγεт плεнипотεнции, за чим, иж то кавза нε εст привилε[...]та, нε повинεн тεж плεнипотεнции показовати. Сγдъ нинεшнии кгродскии виницкии, контровεрсии сторон ωбох, поводовоε прεз шлѩхεтного Самуεлѩ Чεрнѩвского, а позваноε прεз шлѩхεтного пана Анъдрεѩ Ѡгридовского, γмоцованых их, до сεбε вношоных, выслухавши и з ωныхъ д[о]брε вырозγмεвши, плεнипотεнта стороны позъваноε до боронεнѩ тоε справы // припущаεт. Ѡт которого дεкрεту γмоцованыи стороны поводовоε до судγ головного трибуналу любεлского апεлεвал. Суд, εму тоε апεлѩции допустивши, рок за нεю γ мεнованого судγ головного трибуналу коронного любεлского мεжи справами власного воεводства Бра(славского), наипεрвεи по датε того дεкрεту и по выстю шεсти нεдεл до сужεнѩ припадаючими и сужоными, ωбом сторонам бεз припозву ку росправε правнои заховал и назначил. Што всε длѩ памεти до книгъ нинεшнихъ εстъ записано.
Джерело: Центральний державний історичний архів України, м. Київ, фонд 44, опис 1, справа 2, арк. 743-744зв.
Автор допису вдячний Олександру Петренку за виявлений цей документ.